| | أفضل 10 أعضاء في هذا المنتدى | | دروبي - 611 | | | زهرة المدائن - 526 | | | مجـــــــــــــــرد كلام - 392 | | | بسام البلبيسي - 390 | | | L!TtL dReAm - 327 | | | haRRy poTTer - 317 | | | نور الشمس - 275 | | | عين امي - 231 | | | غريبة الديار - 216 | | | baalouach - 209 | |
|
|
| يناير 2009 | | الإثنين | الثلاثاء | الأربعاء | الخميس | الجمعة | السبت | الأحد |
|---|
| | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |  اليومية |
|
| | الموضوع الثاني بالحمله [مواصفات شريك الحياة ] |  الأحد أغسطس 17, 2008 12:26 am من طرف جهاد |
السلام عليكم ورحمه الله وبركاته
مواصفات شريك الحياة
ظللت في موضوعي السابق عن الأسرة أقول يجب أن نختار شريك الحياة صح حتى نستطيع أن نكون أسرة نرتقي بها للجنة
أولا يجب أن نتفق سويا لما اخترت هذا الموضوع بالذات للمناقشة ؟؟؟..
· أولاًً :يقول تعالي " ومن آياته أن خلق لكم من أنفسكم أزواجا لتسكنوا إليها ".. فالزوجة هي السكن وإليها المودة والرحمة..
· ثانيا: عندما خلق الله الخلق خلقهم بغرض العبادة وتعمير الأرض " وما خلقت الجن والأنس إلا ليعبدون " وبالرغم من أن خلق الله كثير قبل الإنسان إلا أن الله قد اختار الإنسان كي يعمر الأرض..
· أول من كلف بعمارة الأرض كانت أسرة " أدم وحواء"
{{ يعني عايزين نتجوز ليه "عشان كلام ربنا يمشي في الأرض .. لأن الزواج عباده .."}}
· أحدث الدراسات بتقول أن تقريبا 30 % من الزيجات تنتهي في عامها الأول "وإحنا إن شاء الله لا نريد لأي فتي أو فتاه قد قرأ موضوعنا هذا أن ينتهي زواجه إلا كما ينتهي زواج جدي وجدتك {{ تأبيدة[25سنه] وفوقها كام سنه وواحد منهم يفارق الحياة والثاني يحزن عليه باقي العمر}}"
· كيف نختار شريك الحياة؟؟؟؟؟؟؟
كي نختار شريك الحياة فيجب أن نمر بأربعة مراحل..
1.حدد المواصفات..
2.ندور أزاي..
3.الاستخارة و الاستشارة..
4.موافقة الأهل..
............................................................
أولا.. المواصفات ..
إحنا عايزين إيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نيجي الأول نشوف الشباب بيفكر أزاي..
· عايزها كويسه وتريحني..
· عايز بنت ستيل وشيك وبتلبس علي الموضة ومنطلقه وحلوة أوي وبحبوحة ..
· أما المتدين فيقول " عايزها متدينة بس جميله أوي أوي بما أني هفضل أغض بصري فأنا عايز واحده فرز أول"فيكون شعرها طويل وأسنانها بيضه وصوا بع أيديها قصيرة وتخينه "
· أو العجب العجاب "عايز واحده متدينة ومش مهم حاجه تانيه حتى لو كنت كل ما بشوفها بحس أني متجوز غوريلا وبلعن اليوم الذي تزوجت به "
· أما ألطف الكائنات فتقول ..
· عايزة واحد كويس ويحافظ عليا ..
· عايزة واحد دمه خفيف وطويل ومش بخيل.
· عايزة واحد عضلاته تخلي صحباتي يتخبلوا عليه وشعره أصفر ..
· عايزاه مثقف وطموح ومتدين ومتحمل المسئولية ويخاف عليا ..
· عايزة واحد معاه فلوس كتير وعنده عربيه وكل يوم يأكلني في مطعم شيك ويجيب لي شبكه علي الأقل 200 جرام دهب وشاليه في مارينا طبعا..
{{ البنات أسهل شويه في أختيارتهم سواء كن متدينات أو غير ذلك }}
جميل جدا أن العريس يكون كويس ومثقف بس..[[[ دي كلها مواصفات عامه جدااااااا]]]
نشوف كلام أعظم أب عرفته البشرية { يقول رسولنا الكريم مالك القلوب صلي الله عليه وسلم : تنكح المرأة لأربع :جمالها ومالها وحسبها ودينها ,فاظفر بذات الدين تربت يداك }
الكلام ده معناه إيه :
· أولا :الأربعة معا..الدين والحسب والجمال والمال { مش أقول كفاية أنها معاها فلوس " وممكن تكون في سن والدتك"}
· ثانيا :تشبث بذات الدين فمن لم يحظي بذات الدين فقد تزوج { هباءا منثورا}
· يقول رسولنا الكريم " الدنيا متاع وخير متاع الدنيا المرأة الصالحة "
· الأيه الكريمة " ربنا آتنا في الدنيا حسنه وفي الآخرة حسنه "قال العلماء أن حسنه الآخرة هي الجنة أما حسنه الدنيا للرجل فهي المرأة وحسنتها للمرأة فهي الرجل..
· قال الرسول صلي الله عليه وسلم " إذا جاءكم من ترضون دينه وخلقه فزوجوه إلا تفعلوا تكن فتنه في الأرض"..
يعني أهم حاجه وأول أساس في أختيارتنا أن شريك الحياه يكون متدين ..فقد ذهب رجل لأحد العلماء سائلا لمن يزوج أبنته فقال له [ للمتدين] لأنه إذا أحبها أكرمها وإذا كرهها لم يظلمها ..
..... طيب أزاي متدين ....
أولا: الصلاة ..
لا يصلي .. [ مينفعش ] لأن الصلاة هي قاعدة الأيمان ..
لا تصلي .. يبقي دور علي واحده تانيه ..
ثانيا: مش محجبة ..تفتكروا متنفعش ..
لاء تنفع بس ناويه علي إيه؟ قلبها يميل للحجاب وبتاخد عشانه خطوات إيجابيه ولا بتقول { هتحجب أن شاء الله لما أولادي يتجوزوا عشان أقدر أعمل فورمه في شعري يوم فرحهم }
[[[ الحجاب فرض]]]
ثالثا : بيدخن ..{" سجاير" مش حشيش }
ينفع بس.. هيبطل قبل الزواج ولا بيقول { دي مزاجي وأقرب لي من أمي }
رابعا: بيعمل كبائر .. بيعصي والديه ..هايف ومش مسئول { مينفعش}
بعض الآباء يقولون [[ يا بني يا حبيبي هتتعدل بعد الجواز ]] , [[ يا بنتي ده هيبقي فله اصبري عليه بس]], [[ الراجل لا يعيبه سوي جيبه ]]
لالالالالالالالالالالالالالالالالا
يتعدل الولد قبل الزواج, وتظبط البنوته قبل الزواج وبعدها نفكر..
عارفين لازم نفكر ليه ؟؟؟؟؟؟؟؟؟؟؟؟؟؟؟؟؟؟؟
لأن ربنا هيسألك يوم القيامه " أخترتي مين يكون أب لأولادك ؟؟ , وأخترت مين أم لأولادك؟؟".........................................................................................................
البنات .. لما ييجي العريس شوفي بيعامل والدته أزاي وأخته بيعاملها ككيان محترم ولا بيستهتر بيها.. واسمعيه بيتكلم عن والده أزاي [ باحترام ] و لا بيقولك [ ده عقله خف ] ويا سلام لو تركبي معاه أنتي ووالدك السيارة وواحد يضايقه في الشارع [ هيحل الموضوع بهدوء ولا هينزل يشتم ويسب ويلعن ]
الولاد ..لما تروح للعروسه تأكد من والدتها الأول , لو قنبله ذريه يبقي [ أنفد بجلدك ] ولو صدق المثل المصري { أقلب القدرة علي فومها تطلع البنت لأمها } يبقي [ أرحم نفسك وأهلك وأجري بسرعه]
وياريت تشوف هي تنظر لأيه وكيف تتكلم خصوصا عن أهلها ........
.......................................................
الشباب خاصة المتدين يقول { أتجوزها متدينة ,,,ولا منطلقه وتتدين علي أيدي و أخد ثوابها؟؟؟؟؟ }..
تعرفوا ده سؤال مين؟ .. ده سؤال واحد خايف يتزوج من المتدينه لأن النظرة التي ننظر بها للمتدينات والتي قد ترسخت في أذهاننا خاصة بسبب وسائل الأعلام هي أن المتدينه دي {{واحده كئيبه مكشرة دايما وحواجبها مرسومه 88 وزي ما بتمشي في الشارع زي العسكري هتكون في البيت شاويش }}
ولو واحد خطب متدينه يفضل [شايل طاجن سته] لأنه هيتحرم متاع الدنيا ...
البنات كمان .. البنت بتكون خايفه من الارتباط بواحد متدين ليس خوفا من تدينه ولكن خوفا من أن يكون تدينه ليس أكثر من لحيه وبنطلون قصير وتكون معاملته لها جافه جدا لأنه متدين وأن تكون كلمته هي الوحيدة السائدة بلا أدني نقاش لأنه رجل والرجل له القوامة علي المرأة في الإسلام ..
وإليكم المثال ..
سيدنا عمر بن الخطاب قد أراد أن يتزوج من أم كلثوم أبنه سيدنا أبو بكر الصديق وقد ذهب لكي يحدث أختها الكبري عائشه [ زوجه رسول الله صلي الله عليه وسلم ] عنها ففرحت به جدا السيدة عائشه رضي الله عنها {{{ طبعا عريس لقطه وأمير المؤمنين }}} ..
لكن أم كلثوم كان لها رأي أخر حيث قالت لها : وما أفعل بعمر فهو خشن العيش, شديد الغيرة , لا يملأ رأسه إلا الرعية .وأنا شابه أريد من يصب علي الحب صبا ويكون عابدا لله ..
فقالت لها السيدة عائشه كيف تتكلمين ,هذا أمير المؤمنين .. فقالت أم كلثوم لإن لم تتركيني لأصرخن أمام قبر رسول الله وأقول أني لا أريد عمر بن الخطاب ..
فطلبت السيدة عائشة سيدنا عمرو بن العاص {{ داهية العرب }}كي يخبر عمر برأي أم كلثوم ..
فذهب عمرو إلي عمر وقال له ألا تتزوج ياأمير المؤمنين .. فقال نعم [ أم كلثوم ], فقال بن العاص : مالك وهذه الجارية فأبوها مات منذ شهور فتبكي لك بالليل والنهار تنعي أباها .
{{ نكديه يعني }}
فقال عمر أحدثتك عائشه ,فقال نعم يا عمر ..فقال عمر بن الخطاب لا داعي لهذا الأمر..
وتزوجت أم كلثوم من طلحه بن عبيد الله الثري جدا والمبشر بالجنة ..
{{{ يعني مش معني أنك هتتجوز متدينه أنك هتاخد مضاد حيوي }}}
· شكل العروس.. المفروض أن تكون العروس مقبولة الشكل وليست صارخة الجمال والعريس أيضا.
· التكافؤ .. يجب أن يكون هناك تكافؤ ديني واجتماعي وثقافي .
· ويفضل أن يكون هناك تقارب في المستوي الاجتماعي وليس تطابق [ وقصه زيجة زينب بنت جحش وزيد أبن حارثه خير دليل
· المستوي المادي [[لالالالالالالالالالالالا]]
· السن .. يفضل لو أن يكون الفارق بين الولد والبنت من 3 إلي 10 سنين وذلك لأن نمو المرأة فسيولوجيا وذهنيا أعلي من نمو الرجل حتى سن 22 عام..
طيب ينفع ولد يتجوز بنت أكبر منه ؟؟؟؟؟
ينفع بس بشرطين ..
· البنت تكون مستوعبه أنها سيدة ولن يكون لها أن تتحكم بالمنزل
· الولد يكون ناضج وعاقل
وطبعا جميعنا يعلم تلك الزيجة الناجحة جدا لسيدنا رسول الله والسيدة خديجة بالرغم من أنها كانت أكبر منه ب 15 عام ..
لكن المشكلة ..إذا كانت البنت أعلي ذهنيا من الولد في غياب النضج والوعي من كليهما يتحول كلا منهم إلي [ديك رومي] يظل يكسر في دماغ الأخر محاولا فرض سلطته ..
ولذا فقد رفض الرسول صلي الله عليه وسلم أن يزوج أبنته فاطمة إلي كلا من عمر وعثمان وأبو بكر لأنهم جميعا يكبرونها بأعوام كثيرة فهي من جيل وهم من جيل أخر , وزوجها إلي علي ابن أبي طالب الذي يكبرها بخمس سنوات فقط ..
فزيجة الرسول من خديجة لن تتكرر وإذا تزوج شاب من القرن العشرين بسيدة تكبره ب 15 عام ذلك لأنها هتموت قريب وهياخد من وراها قرشين ..
· مهزلة القرن العشرين ..
نجد فتاه في عمر الزهور تتزوج من رجل كبير كانت يوما من الأيام تقول له {{ أنكل }}
وذلك لأن نسبة الشباب المستعد لتحمل المسئولية تقل فنجد المرأة هي التي تربي الأولاد وتقضي حاجيات المنزل وتنهي أوراق الأولاد و..و..و.........
[[[[[بصراحة أنا قد سألت أخي الأكبر في هذا الشأن فقال لي أن أخر الرجال المحترمين قد ماتوا في حرب 1973..]]]]]]
انتظروني قريبا كي نعلم سويا [ هندور إزاي علي نصف الدين؟؟؟ ]
| | تعاليق: 19 |
| | احصائيات | هذا المنتدى يتوفر على 72 عُضو.
آخر عُضو مُسجل هو عاشقة قيس الشيخ نجيب فمرحباً به.
أعضاؤنا قدموا 4608 مساهمة في هذا المنتدى في 1033 موضوع
|
| من على الخط ؟ | ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر لا أحد أكبر عدد للأعضاء المتواجدين في هذا المنتدى في نفس الوقت كان 8 بتاريخ الجمعة أغسطس 01, 2008 6:03 pm |
|
| |
|
